Actualitat
Istoric
Fotòs
Mentalitat
Amistat
Cants
Ràdio
Videò
Gadgets
Contactes












BENVENGUDA SUL SITE DELS ULTRAMARINES BORDÈU


Aquò i es, la version novèla del site oficial del nòstre grop es disponible. Un pauc de costat aquestas annadas darrièras, anam assajar de o actualizar cada setmana. I trobaretz totas las informacions que concernisson la vida de l’associacion e una rubrica « conctactes » que vos permetrà de vos metre en relacion amb lo grop.
Plan mercé de vòstra visita.
Bona navigacion


Campanha d’adesions sason 2008-2009

Apelam totes los suportaires dels girondins que o soetan, a nos rejúnher en aderissent a l’associacion per aquesta sason novèla. Lo prètz d’aquesta cotisa anadièra es de 10 €.

Concretament vos permet :

  1. De reduccions suls gadgets ultràs
  2. De reduccions suls desplaçaments
  3. Un accès al local de l’associacion (dubèrt cada jorn de match tre 13 oras)
  4. Un accès a las amassadas mesadièras
  5. La possibilitat de reservar de plaças suplementàrias per totas las competicions (se sètz pas abonat aquesta possibilitat demòra).

Mas aderir als Ultramarines, es de’n primièr sosténer lo darrièr grop ultrà de Bordèu e nos testimoniar vòstra simpatia. Sens aderent, existiriam pas, e pas res de çò que fasèm seriá possible.

10€, es lo prètz per dintrar dins l’istòria. Rejunhetz-nos !

Tresen malhòt 2008-2009

Aquò i es ! O an fach !
Aprèp lo malhòt òrre de l’an passat, vaquí que passam al ròse…
E mai se la color dominanta d’aqueste malhòt es lo marine, apreciam pas gaire l’aparicion de la color ròsa digna de l’estadi francés. Es pas de bon conéisser lo pòble del sud-oest e son òdi per aquesta color !
Plan solide, apelam aquesta annada encara al boicòt d’aqueste tresen malhòt en reclamant totjorn un « third » de color Bordèu !
A aqueste prepaus, nòstra requeta serà escotada la sason que ven ? Es la rumor que circula al Hailhan…

NON AL MALHÒT RÒSE !